دعوة للإلتحاق بدبلوم الخرائط بالأسكندريه [الأرشيف] - مجتمع نادي علم المعلومات الجغرافية

مشاهدة النسخة كاملة : دعوة للإلتحاق بدبلوم الخرائط بالأسكندريه

حاتم متولى

11-05-2008, 02:06 PM

الأخوة الكرام هذه الدراسه التقديم لها فى يناير القادم 2009 و لقيامها لابد من ان يصل العدد لعشرة أشخاص على الأقل
لذا أوجه لكم ادعوه و من هو ليس من المقيمين فى الأسكندريه بإمكانى أن أساعده فى التقديم و المعلومات لو أراد

دبلوم الخرائط

قسم الجغرافيا و نظم المعلومات الجغرافيه – كلية الاداب جامعة الأسكندريه

لأى خريج جامعى من أى كليه و أى قسم ...

قيمه مضافه للجيولوجيين و الجيوفيزيائيين و المهندسين و ...

تحويل مسار للتجاريين و التربويين و الحقوقيين و ...
مواد أساسية : قراءة وتحليل الخرائط والصور الجوية والمرئيات الفضائية تطبيقات الاستشعار عن بعد في الخرائط
نظم المعلومات الخرائطية الاتصال الخرائطي مساحة مستوية
مساحة طبوغرافية تصميم الخرائط مهارات فنية متقدمة في الخرائط و مواد أخرى

مواد تكميليه فى أسس الخرائط و أنواعها من سنوات الليسانس

بعض من مجالات العمل : المساحه فى شركات إستكشاف البترول مجالات نظم المعلومات الجغرافيه

حاتم متولى

11-05-2008, 06:02 PM

عنوان كلية الأداب جامعة الأسكندريه
http://www.foa.edu.eg

و صفحة تلك الدبلومه
http://www.gisclub.net/vb/redirector.php?url=http://www.foa.edu.eg/Higher/Higher_Studies_Tabels/Geography.htm

شروط القبول و القواعد و معلومات أخرى عنها
http://www.foa.edu.eg/Higher/institutes.htm

محمد الحسن الطيب

11-05-2008, 06:48 PM

مغرية جدا

حاتم متولى

11-05-2008, 11:50 PM

شكرا على مداخلتك

هذه النوعيه من الدراسه أعتبرها عودة للعلوم الثابته التى لا تتغير سريعا مثلما الحال فى الحاسب الآلى و الذى ما أن تنتهى من دراسته حتى تكتشف أن ما درسته أصبح غير مواكب للتغير السريع فى العلم و أن عليك ان تدرس الأحدث منه و هكذا

أتمنى أن يكتمل العدد لتقوم الدبلومه

ابراهيم عبد الفتاح ابومريم

11-06-2008, 10:06 AM

مشكور اخى حاتم متولى على المشاركة الجميلة

محمد الحسن الطيب

11-08-2008, 05:12 PM

اريد الانضمام اليكم و ارجوا ان اكون انا الشخص الناقص لكي تبدأ الدورة

حاتم متولى

11-08-2008, 09:42 PM

نتواصل بالإيمل للتنسيق
أما عن العدد فلا علم لى حتى الان سوى أنا و أنت .. أتمنى أن يتوافر العدد فى الموعد المناسب

عبير احمد

11-13-2008, 07:10 PM

طبعا انا نفسى انضمن اليكم
و لكن انا عاوزة تفاصيل اكتر علشان اشوفها هتناسب ظروف و لا لأ
زى مده الدراسة هل هى عام ام عامين ؟
هل الدبلومة دى بديل عن دخولى قسم مساحة حيث انا خريجة شعبة عامة ؟
مصاريف الدراسة فى العام تكلف كام
شكرا برجاء الاهتمام و الرد عليه لانى لم استطيع ارسال رسالة خاصة لحضرتك

حاتم متولى

11-14-2008, 12:35 AM

الله الله .. باين عليها هتكمل
أدى أنا أهه و أدى أخونا محمد الحسن عاوز يدخل بس ربنا يسهل له إجراءاته كمغترب و هناك أتنين أبدوا إهتمامهم فى منتدى رابطة خريجى المساحه و الخرائط بالجامعات المصريه و أدى الأستاذه عبير ربنا يقويها بتسأل .. يا ترى مين هيكمل لحد الأخر ؟ و هنعرف نكمل العدد و لا لأ ؟

عبير احمد
إتفضلى المعلومات دى
ميعاد التقديم القادم من واحد يناير لحد خمستاشر يناير
الدراسة بنظام الساعات المعتمده فتخلصيها المفروض بحسب قدرتك على تسجيل مواد ذياده تدرسيها فى كل فصل دراسى و تطلبيها من المشرف الأكاديمى فواحد ياخدها براحته و واحد ياخد خمس او ست مواد كل ترم فتخلص مع واحد فى سنتين و مع واحد تانى فى أقل او أكتر
أظن ربما الفرق إنها هتكون أسهل عليكى (و أسرع) من حيث إن المواد التكميليه تكون عليكى أقل (إن وجدت) حيث إن الكورسات إللى إنتى دارساها فى الليسانس (بنت عم) المواد دى غير واحد جاى مثلا من علوم أو من تجاره و برضوا زورى الكليه و إسئلى بنفسك

بحسب ما فهمت من موقع الكليه إنها هتمكنك إنك تعملى ماجستير بعد كدا حتى لو كان تقديرك فى الليسانس مقبول لأنها دبلوم تخصصى .. و برضو راجعى بنفسك لو كانت دى حالتك و ساعتها إطبعى الجزء دا من اللائحه و خديه فى إيدك و روحى الكليه و أعرضيه على من يعترض لحد ما تتأكدى هناك عشان مكونش غلطان

أدعى من تتوسمى فيه إنه يحتاجها من معارفك مهما كانت تخصصاتهم .. عشان العدد يكمل و تقوم
و قولى لهم إنها هتمكنهم من تغيير المسار و ينضموا إلى رابطه خريجى المساحه و الخرائط بالجامعات المصريه (هكذا جاوبنى واحد منهم لما سألته فى منتداهم) و بالتالى يغيروا المهنه فى البطاقه (أظن إلى أخصائى مساحه بس برضو مش متأكد) فممكن التأكد منها مباشره و عنوانها 85 شارع طيبه فى الإبراهيميه بالأسكندريه أو الأحسن من المعيدين و الدكاترة فى الكلية الأعضاء النشطين فى الرابطه
دى المعلومات إللى أعرفها و حكايه إنها تغنيكى عن دخولك قسم مساحه او لأ فدا سؤال لازم تجاوبى عليه بنفسك
أما بخصوص المصاريف فللمصريين زى مصاريف دراسات عليا ... أنا مسألتش ... بس أسمع فى كليات تانيه حوالى الف , الف و خمسميه حاجه زى كدا .. أظن بيحاسبوا بالماده , فالماده مثلا نقول بخمسين جنيه و حسب إنتى عاوزه كام ماده فى الترم فتدفعى على قد ما هتاخدى و ياخدوا مبلغ فى الأول بحيث الإجمالى يكون زى ما قلت لك

عبير احمد

11-22-2008, 11:42 PM

معلش عندى سؤال آخر استاذ حاتم

الدبلومة 30 ساعة كل مادة من 15 مادة ساعتين يعنى ممكن نخلص المنهج فى اسبوعين دراسة

و يا ترى فيه كتب لمواد الدبلومة

و مدى الاستفادة من الدبلومة دى هنتعرف على كل ما يحتاجة و درسه طالب المساحة فة شعبة المساحة

شكرا و آسفة للازعاج

عبير احمد

11-22-2008, 11:50 PM

و سؤال آخر متطلب سابق تعنى ايه
و هل يعنى بها شرط دراستها سابقا
شكرا

حاتم متولى

11-23-2008, 08:08 AM

عبير احمد

حكاية إن الدبلومه تخلص فى إسبوعين دى تقصدى بيها إيه ؟
الساعه المعتمده هى وحدة قياس و ليست مثل ساعه الوقت الزمنيه العاديه التى نقيسها بالساعه التى نلبسها فى يدنا (التشابه فى الإسم فقط , واحده ساعه معتمده وحدة قياس عالميه لكورسات التعليم العالى و التانيه ساعة وقت زمنيه)
أرجو ألا تكونى فهمتى إن كل ماده يدخل أستاذها يشرحها و يخلصها فى ساعتين و بما إنهم خمسة عشر ماده و كل ماده ساعين فإذا المجموع تلاتين ساعه من الوقت ناخدهم كلهم على بعض فى إسبوعين ثم نمتحن ثم ناخد الشهاده و نبقى حصلنا على شهاده دراسات عليا .. لأ مش كدا
الماده من دول بتدرسيها طوال فصل دراسى (مدته بتكون حوالى خمس شهور , دا الرسمى لكن الخلاصه و الفعلى بتختلف من دكتور للتانى) بمعدل غالبا مره فى الإسبوع و لو ماده ليها عملى فتاخدى محاضرة النظرى بتاعتها و تاخدى سكشن العملى بتاعها
أنا مش شايف ماده ليها عملى فى الجدول (دا بحسب ما أنا شايف و قد اكون مخطىء و الله أعلم) , لكن ممكن يكون فى عملى لمن يحتاج مواد تكميليه ..
بالنسبه لسؤالك إذا كان الدبلومه فيها كتب و عن مدى الإستفاده و إذا كنتى هتتعرفى على كل ما يحتاجه و درسه طالب المساحه فى شعبة مساحه فأقول لكى إنك كخريجه شعبه عامه أقرب منى لتلك المواد و أكثر علما منى فإنتى و إن كنتى درستى و لو على العموم بعضا من تلك المواد أو كان لكى شيء من الإحتكاك بتلك المواد أو كانت موادك قريبه منها فأنا من تخصص بعيد كل البعد عن ليس فقط عن شعبة مساحه و لا قسم الجغرافيا بل عن كلية الأداب و مجمع كليات نظرى كله
و ما أنا إلا شخص يرغب فى دراستها لأسباب معينه و علمت لما سألت إن مشكلتها هى تجميع العدد و إنها من ساعة ما تم وضعها فى لائحة الدراسات العليا لم تشتغل أبدا لعدم توفر العدد و كان يأتيها طلبه لكن ينصرفوا لعدم إكتمال العدد عند نهاية التقديم فقررت الدعوه ليها فى الإنترنت لكى تبدأ
لو تقدم باوراقه كل من أبدى إهتمام بها فى الإعلانات التى نشرتها لوصل العدد حتى الأن إلى ستة أشخاص , لا أتوقع أن يتقدم كل من أبدى إهتمامه , لكن العدد كويس كبشرى و لسه فاضل أكتر من شهر على بدء التقديم و ممكن يتقدم زى المرات السابقه ناس للكليه مباشرة من تلقاء نفسهم بدون تلك الدعايه فالعدد يذيد و تكمل .. ربنا يسهل
أحسن إجابه على أسئلتك بخصوص الفائده (إذا كانت عنيكى لا تقدر ان تحدد مدى رغبتك و إهتمامك و ما تبحثين عنه فى تلك الكورسات بمجرد قراءة الإسم) ستحصلى عليها إذا زرتى الكليه و حاولتى تقربى من حد من أعضاء هيئة التدريس تطلبى منه النصيحه
و بالنسبه للأسئله الإداريه لو مش عايزه تنزلى تروحى الكليه فرقم الكليه 4875735 و طبعا 03 عشان محافظة الأسكندريه فى الأول لو بتتصل من محافظه تانيه , هيرد السوتش فتطلب أن يحولك على مكتب الدراسات العليا
بالنسبه لسؤالك عن معنى متطلب سابق لأحد المواد فدى هيكون معناها إن هناك مادة يجب أن تبدئى بها أولا قبل أن تدرسى تلك الماده .. أظن هنا هتكون المواد الذياده إللى على الناس إللى مدرسوش خرايط و مواد مساحه هيجدوا عليهم مواد من سنوات الليسانس يدرسوها الأول عشان يعرفوا يرجعوا ياخدوا المواد دى الاصليه بتاعة الدبلومه بتاعتهم
أى حاجة بجاوبك فيها هى بحسب قدرتى وفهمى الشخصى فعشان ميكونش هناك أى خطأ فيها , فإنتى لما تروحى الكليه تسألى فتأكدى من كل تلك المعلومات أيضا

و الله الموفق

عبير احمد

11-23-2008, 11:14 AM

شكرا لك على الرد بسرعة و الاستفاضة فى الرد

بارك الله فيك و جزاك ربى الجنة

حاتم متولى

11-23-2008, 11:25 PM

عبير احمد

بارك الله فيكى و إنشاء الله تنبسطى منها و تستفيدى كتير

ما رأيكم يا من أبديتم إهتمامكم إننا نتعاون فى تجميع باقى العدد الناقص ... يعنى أنظروا فى أصدقائكم , زملاء دفعتكم , معارف , أقارب .. لو فيهم حد تنفعه فكلموه

حاتم متولى

12-01-2008, 02:38 PM

بشرى كويسه

أنا النهارده لسه جاى من الكليه و قابلت رئيس القسم و دكتور أخر و عديت على الدراسات العليا
الدبلومه إنشاء الله ممكن تقوم من خمس أشخاص فى حالة التعسر فى إكمال العدد فمجلس القسم إحتمال كبير يوافق عليها بخمس أشخاص فقط

يلا يا جماعه
مين جاى ؟

محمد جميل

12-09-2008, 01:45 PM

مبروك يا اخ حاتم

هل لنا ان نعلم بالاساتذة الافاضل الذين سيتولوا التدريس بها

بالتوفيق

حاتم متولى

12-10-2008, 04:01 PM

محمد جميل

للأسف , لا أعرف تلك المعلومه

تحياتى

سيدة على

12-11-2008, 10:26 AM

شكرا يا استاذ حاتم على هذة المعلومة .ولكن اريد من سيادتكم توضيح مدة الدبلومة .بمعنىاذا كانت عبالاة عن سنوات اوساعات .وجدولها .ومواعيدها لاننى فلى القاهرة .ورسوم الدبلومة.ومعرفة اذا كان هناك مكان للاقامة فى الاسكندرية ام لا.ومعرفة اذا كان هناك دبلومات مثلها فى القاهرة ام لا.اختك فى الله سيدة على

سيدة على

12-11-2008, 10:28 AM

شكرا يا استاذ حاتم على هذة المعلومة .ولكن اريد من سيادتكم توضيح مدة الدبلومة .بمعنىاذا كانت عبارة عن سنوات اوساعات .وجدولها .ومواعيدها لاننى فلى القاهرة .ورسوم الدبلومة.ومعرفة اذا كان هناك مكان للاقامة فى الاسكندرية ام لا.ومعرفة اذا كان هناك دبلومات مثلها فى القاهرة ام لا.اختك فى الله سيدة على

سيدة على

12-11-2008, 10:35 AM

سيدة على

12-11-2008, 10:38 AM

حاتم متولى

12-11-2008, 11:58 AM

سيدة على

أهلا بيكى
معظم الأسئلة التى سألتيها إجابتها موجوده فى الحوارات مع من سأل قبلك , من فضلك إقرئى نصوص الحوارات التى دارت
بالنسبة لجدولها و كذلك مواعيدها , فهى لم تبدأ بعد , فإذا إكتمل العدد اللازم و تقرر أن تبدأ فيأتى بعد ذلك إقرار الجدول بالتنسيق من القسم بالتنسيق مع الأساتذه الذين سيقوموا بالتدريس
بالنسبه للمصاريف فأخر كلام إن موظفه مسئوله فى الدراسات العليا أخبرتنى إنها 1600 جنيه و دا طبعا مصاريف المصريين , و أيضا إقرئى ما دار بخصوص المصاريف فى الحوار مع من سأل قبل منك
معرفة إذا كان هناك دبلومات مثلها فى القاهره ام لا مهمه تقع عليكى يا أخت سيده لأنى مهتم فقط بتلك الدبلومه التى أريد لها أن تكتمل لتبدأ لكى أدرس فيها , و أنتى من سكان القاهره فبإمكانك زيارة الجامعات هناك و الإستفسار او زيارة مواقعهم على الإنترنت , لكن أعتقد و الله أعلم أن هناك دبلومه فى عين شمس و لكن نظم معلومات جغرافيه اما هذه فدبلومة خرائط
بخصوص مكان للإقامه لكى فى الأسكندريه فأنا سمعت عن بيت للمغتربات يستوعب الطالبات اللاتى يأتين من أماكن بعيده للدراسه فى الجامعه لكن كان دا من مده طويله , فكرى إنتى الأهم و لما تكونى عازمه إنشاء الله أبقى أسئل لكى , لكن بصفه عامه ربما لن تحتاجيه , لأن غالبا الدراسه ستكون مركزه فى عدد قليل من الأيام و ربما ينفع أن تيجى إسبوع و تفوتى إسبوع او أكثر و هكذا , و طبعا دا كله ظن و حسب طبيعة الدراسه (و التى لا أعرفها لأن تخصصى العلمى من كلية بعيده كل البعد عن الأداب و كليات النظرى) و أيضا حسب علاقتك بالدكاتره
لكن ساحاول أن أساعدك قدر إستطاعتى لأن لكى رغبه فى العلم فيجب أن تحترم و تشجع
بس الأمانه أقول لكى إن المشوار رايح جاى القاهره طويل و مهلك , حتى و إن كنتى شباب و ستتحمليه فهو مهلك نفسيا و يلتهم جزء عظيم من وقتك و نصيحه أخويه شوفيلك حاجة فى القاهره أو عين شمس أو حلوان
و لو عايزه تيجى كلية الأداب جامعة الأسكندريه وقت التقديم عشان تشوفى الوضع بنفسك على الطبيعه , فبلغينى عشان لو قدرت أرتب وقتى و أكون معاكى

سيدة على

12-11-2008, 03:16 PM

شكرا يا استاذ حاتم على الاهتمام .وانا فى غاية الاسف اذا ما كنت اثقلت عليك بالاسئلة .ولكن بالله عليك ان توالينا بالاخبار اذا ما علمت باى معاومات اخرى .وانا عندى سؤال بخصوص المشاركة فى النادى.فأنا عضوة جديدة ولم اتمكن من المشاركة حتى الان.ارجوووووووووو منك اخبارى عن كيفية المشاركة واضافة ما هو جديد.

حاتم متولى

12-11-2008, 06:29 PM

سيدة على

أعرف إن فى خطأ فى التوصيف بتاعها من مهنى لتهصصى , كانوا بعتينها للمجلس الأعلى للجامعات على إنها دبلوم مهنى ثم لما إتوافق عليها و الورق راجع رجعت مكتوبه بتوصيف إنها دبلوم تخصصى كخطأ إدراى , فهما هيفتحوا القبول فيها عادى لكل الناس و فى نفس الوقت هيمشوا فى إجراءات التصحيح , مش محدد و مش معروف بعد كدا لما تاخدى الدبلومه هتاخديها على إنها مهنى و لا تخصصى , مبحاولش أسئل و أثير الموضوع لحسن يوقفوها و يقولوا طيب خليها واقفه لحد لما نصحح و نبقى نفتح , و أنا شخصيا متفرقش معايا

إذا كنتى داخله معانا خلاص إرسلى لى بالإيميل

محمد الحسن الطيب

12-13-2008, 04:55 PM

عندي ملاحظة اخي حاتم لماذا لا توجد ساعات للتطبيق و ايضا سعات للميداني و هل صحيح ان اشخص ممكن يكمل في سنة واحدة هذه الدبلومة

حاتم متولى

12-14-2008, 10:32 AM

محمد الحسن ولد الشيخ محمد

ربما لا يوجد عملى لهذه الدراسه لذا تكون ساعات العملى فقط لمن لديه مواد تكميليه و بها عملى .. ربما و الله أعلم .. فأنا مجرد شخص يريد دراستها مثلى مثلكم
تم الرد عليك فى رساله على البريد الإلكترونى بخصوص الجزء الثانى